٧ کانوونی دووەم ٢٠١٩ - ١٣:٠٠
30 کەس لە کاربەدەستانی عێراق داوایان كردووه‌ به‌ نهێنی سه‌ردانی ئیسرائیل بكه‌ن

30 کەس لە کاربەدەستانی عێراق داوایان كردووه‌ به‌ نهێنی سه‌ردانی ئیسرائیل بكه‌ن

حكوومه‌تی ئیسرائیل ته‌ئكیدی كرده‌وه‌، له‌ ماوه‌ی چه‌ند هه‌فته‌یه‌كدا سێ شاندی سیاسی عێراقی سه‌ردانی ئیسرائیلیان كردووه‌.
وه‌زاره‌تی ده‌ره‌وه‌ی ئیسرائیل روونیكردووه‌ته‌وه‌ كه‌ له‌ناو ئه‌و شاندانه‌دا، كه‌سایه‌تی شیعی و سووننی و سه‌ركرده‌ی تێدا بووه‌ كه‌ كاریگه‌رییان له‌سه‌ر عێراق هه‌یه‌. ئه‌و كه‌سایه‌تیانه‌ سه‌ردانی مۆزه‌خانه‌ی “یاد فاشیم”ـیان كردووه‌ بۆ ئه‌وه‌ی رێز له‌ بیره‌وه‌ری ئه‌و جووانه‌ بگرن كه‌ سووتێنران.

هه‌روه‌ها ئاماژه‌ به‌وه‌كراوه‌ كه‌ ئه‌و شاندانه‌ له‌گه‌ڵ هه‌ندێك كه‌سایه‌تی ئه‌كادیمی و به‌رپرسانی ئیسرائیل كۆبوونه‌ته‌وه‌ و ژماره‌ی ئه‌ندامانی ئه‌و شاندانه‌ 15 كه‌س بوون و وه‌زاره‌تی ده‌ره‌وه‌ی ئیسرائیل پێشوازی له‌و ده‌ستپێشخه‌رییه‌ كردووه‌.

هه‌روه‌ها ئه‌و رۆژنامه‌وانه‌ ئیسرائیلییه‌ له‌ فه‌یسبووكه‌وه‌ نوسیوویه‌تی: “30 نوێنه‌ری عێراقی داوایان كردووه‌ به‌ نهێنی سه‌ردانی ئیسرائیل بكه‌ن”.